Омори воқеӣ бозгӯи он аст, ки муроҷиати беморони Ковид-19 ба бемористонҳо коҳиш ёфтааст. Мо ҳам дар Бемористони Ибни Сино инро мушоҳида кардем, навиштааст имрӯз сарвари ин бемористон Абдухалил Холиқзода дар саҳфаи худ дар «Фейсбук».
Ӯ навиштааст: «Ин воқеият, ба андешаи ман, метавонад чанд сабаб дошта бошад. Якум, бешубҳа афзоиши сатҳи огаҳии мардум аз роҳҳои пешгирии шуюъи вируси куруно буда метавонад, ки воқеан хурсандкунанда аст. Дуюм, шояд таъсири нурҳои офтобӣ бошад, ки бино ба назари коршиносон метавонад шуюъи вирусро то ҳадде коҳиш медиҳад. Вале таъсири ин омил чандон зиёд буда наметавонад».
Табиби тоҷик худдармониро дар хона яке аз роҳҳои бештар паҳн шудани вирус арзёбӣ намуда, тавсия медиҳад, ки дар ҳоли холӣ будани тахтҳои бемористонҳо одамон табобатро дар бемористон, зери назари мутахассисон бигиранд.
![](https://old.moh.tj/wp-content/uploads/2018/04/8678.jpg")
