Маводҳои доруворӣ ва молҳои тиббие, ки аз ҷониби Агентии захираҳои модди давлатии назди Ҳукумати Ҷумҳурии Тоҷикистон ҳамчун кӯмак ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ворид шуданд, имрӯз, 8 июни соли равон ба як қатор муассисаҳои тандурустии шаҳру ноҳияҳои кишвар ва раёсатҳои тандурустии вилоятҳои Суғд ва Хатлон (минтақаҳои Бохтар ва Кӯлоб) тақсим карда шуданд.
Маврид ба зикр аст, ки айни замон дар анборҳои махсуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба таври кофӣ маводҳои доруворӣ ва таҷҳизоту молҳои тиббӣ захира карда шудааст, ки онҳо тибқи талабот ба муассисаҳои тандурустии мамлакат тақсим карда мешаванд.
Рафти тақсимоти маводҳои доруворӣ зери назорати қатъии роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон қарор дорад.
(АКС АЗ БОЙГОНИИ MOH.TJ)
![](https://old.moh.tj/wp-content/uploads/2018/04/8678.jpg")
