«Афзоиши бесобиқаи сироятёбӣ» — ҳамин тавр роҳбарияти Вазорати тандурустии Франсия шумораи шахсони сироятёфтаро дар 24 соати охир арзёбӣ кард. Ин рақам ба 1700 ҳомили вируси ба тозагӣ ошкоршуда наздик шудаст, хабар медиҳад АМИТ “Ховар” бо истинод ба Евронюс.
Мақомот барои пешгирӣ аз карантини дубора кӯшиш мекунанд, аммо то ҳол ин кӯшишҳо ба миқёси тавсеа ва идомаи эпидемия таъсир накардаанд.Дар тамоми шаҳрҳои курортӣ пӯшидани ҳатмии ниқобҳо ҷорӣ шудааст, шаҳрдори Париж низ бояд чунин қарори монанд қабул кунад: дар маҳаллаҳои барои сокинон дилкаш ва дар соҳилҳои Сена кам одамоне ҳастанд, ки фосилаи иҷтимоиро риоя кунанд.
Испанияи ҳамсоя низ дар вазъияти ҳамсон қарор дорад, ҳатто шумораи сироятёфтагон мувофиқат мекунад ва ҳам ин ки ин рақам аз замони лағви чораҳои маҳдудкунанда ду моҳ пеш ба ҳади рекордӣ расидааст.
Вазъи санитарӣ ва эпидемиологӣ дар минтақаи пойтахти шоҳигарии Иберия ва он чи дар ҷазираҳои Балеария сурат мегирад, боиси нигаронии бештар шудааст.Ҳафтаи гузашта Британия барои афроде, ки аз Испания бозмегарданд, карантини ҳатмӣ ҷорӣ кард, инчунин дар сатҳи минтақавӣ низ тадбирҳо андешида мешаванд.
Ба дунболи карантин, ки дар Лестер ҷорӣ буд, чунин маҳдудиятҳо давоми ду ҳафта барои сокинони Абердини Шотландия ҳам воқеият хоҳанд шуд.
Дар Германия, ки шумораи сироятёфтагон аз 214 ҳазор нафар зиёд шудааст, ҳукумати федералӣ ҳамаи сайёҳони аз кишварҳои сатҳи тавсеаи уфунат баланд баргаштаро муваззаф кардааст, ки барои доштан ё надоштани вирус аз ташхис гузаранд. Илова бар ин, ҳукуматдорон талаб мекунанд, ки ҳама сафарҳо ба Белгия лағв карда шаванд, зеро дар Антверпен манбаи хуруҷи шадиди эпидемияи COVID ба вуҷуд омадааст.
АКС: Reuters
![](https://old.moh.tj/wp-content/uploads/2018/04/8678.jpg")
