Ҷиҳати дар сатҳи баланд истиқбол гирифтани ҷашни бузурги миллӣ 30- солагии Истиқлолияти давлатии Ҷумҳурии Тоҷикистон айни замон дар шаҳри Кӯлоб азнавсозӣ ва таъмиру тармими бунгоҳҳои тиббӣ ва марказҳои саломатӣ вусъати тоза касб намуда истодаанд.
Бо дастгирии Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ дар шаҳри Кулоб 12 марказҳои саломатӣ ва бунгоҳҳои тиббӣ аз таъмири капиталӣ бароварда шуда, бо таҷҳизоти замонавии тиббӣ таъмин гардиданд.
Чунин корҳои наҷиб ва созандагиву таъмир, инчунин бо таҷҳизоти муосири замонавӣ таъмин намудани муассисаҳои тандурустӣ дар саросари мамлакат идома дошта, роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҳти ғамхорӣ ва дастгириҳои пайвастаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушди соҳаи тандурустӣ кушиш ба харҷ медиҳанд, ки ҳатто дар дурдасттарин минтақаи кишвар тавониста бошанд хизматрасонии хуби тиббиро ба аҳолӣ пешкаш гардонанд.
![](https://old.moh.tj/wp-content/uploads/2018/04/8678.jpg")
