Имрӯз, 10 декабри соли равон аз ҷониби Созмони Умумиҷаҳонии Тандурустӣ (СУТ) таҷҳизот ва лавозимоти тиббӣ, аз қабили монитор, оксиметри набз, ниқобҳо ва канюлҳо барои оксиген ҷиҳати пешгирии бемории коронавируси нави COVID-19 ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тақдим карда шуд.
Дар маросими супоридани таҷҳизот ва лавозимоти тиббӣ муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода ва мутахассиси Намояндагии доимии Дафтари минтақавии аврупоии СУТ дар Тоҷикистон Абдулаҳад Сафаров иштирок намуданд.
Муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода дар ҷараёни қабули таҷҳизот ва лавозимоти тиббӣ иброз намуд, ки СУТ яке аз шарикони асосии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба шумор меравад, ки барои рушду пешрафти соҳа пайваста ба вазорат кӯмак менамояд.
![](https://old.moh.tj/wp-content/uploads/2018/04/8678.jpg")
