Субҳи имрӯз, 18 феврали соли равон бо мақсади саҳмгузорӣ дар таъмини амнияти озуқаворӣ ва иҷрои самараноки дастуру супоришҳои Пешвои муаззами миллат муҳтарам Эмомалӣ Раҳмон ва нишондодҳои Раиси вилояти Суғд Раҷаббой Аҳмадзода ҷиҳати самаранок истифода бурдани ҳар як ваҷаби замин дар масоҳати наздик 0,5 га (50 сотих)-и заминҳои бекорхобидаи Беморхонаи клиникавии вилоятии ба номи С. Қутфиддинов картошка кишт карда шуд. Ин имкон медиҳад, ки талаботи озуқавории Беморхонаи вилоятиро дар фосилаи муайян бо “нони дуюм” таъмин созад.
Ёдовар мешавем, ки Беморхонаи клиникавии вилоятии ба номи С. Қутфиддинови вилояти Суғд шурӯъ аз санаи 2 феврали соли 2021 ба фаъолияти муқаррарии худ баргашт ва давоми 10 моҳи қаблӣ чун госпитал баҳри мубориза бо бемории фарогири короновирус муайян шуд ва ҷомеаи меҳнатии ин муассисаи тиббӣ наздик 1 сол ҷон ба каф гирифта, шабонарӯз баҳри таъмини солимии аҳолӣ заҳмат кашиданд.
![](https://old.moh.tj/wp-content/uploads/2018/04/8678.jpg")
