Бо мақсади тақвияти иқтидори хизматрасониҳои тиббӣ ва ворид намудани механизми нави якҷояи беҳтаркунии сифат дар ноҳияҳои таҷрибавии вилояти Хатлон даври омузишӣ миёни кормандони соҳаи тиб оғоз гардид. Чорабинии мазкур бо дастур ва супориши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон сурат гирифта дар доираи Лоиҳаи “Беҳтаркунии хизматрасонии тиббӣ” амалӣ мегардад.
Гуфта мешавад даври омузишӣ, ки мақсади он беҳтарсозии сатҳу сифати хизматрасонии тиббӣ мебошад, дар ноҳияҳои таҷрибавӣ ва муқоисашаванда ба роҳ монда шуда, мавзӯи “Мусоидат ба беҳтарсозии фарогирӣ ва сифати хизматрасонии тиббӣ дар сатҳи КАТС бобати истифодабарии варақаҳои корӣ” дар ноҳияи Ёвон, Фархор, Ҷ.Балхӣ, Қубодиён, А.Ҷоми, Вахш, Дустӣ, Панҷ, Темурмалик, Хуросон ва Ҷайхун ба кормандони тиб омузонида мешавад.
Чорабинии мазкур бо иштироки мутахассисони Марказҳои саломатии деҳот ва Бунгоҳҳои саломатӣ оғоз гардида ҳар семоҳа гузаронида мешавад.
![](https://old.moh.tj/wp-content/uploads/2018/04/8678.jpg")
