Имрӯз, 28 апрели соли равон дар Муассисаи давлатии “Маркази ҷумҳуриявии иммунопрофилактика”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо дастгирии техникии “Лоиҳаи фавқулоддаи муқовимат ба вируси COVID-19 дар Тоҷикистон” (TEC-19)-и назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар доираи Созишномаи маблағгузорӣ байни Ҳукумати Ҷумҳурии Тоҷикистон ва Бонки умумиҷаҳонӣ (гранти №D604-TJ) ҷиҳати ба қайд гирифтани шахсони иммунизатсияшуда бо ваксинаи зидди сирояти нави коронавирус COVID-19 ва ворид намудани маълумотҳои умумӣ дар базаи электронӣ дар Ҷумҳурии Тоҷикистон машғулияти омӯзишӣ баргузор гардид.
Дар машғулияти омӯзишӣ мутахассисон аз Муассисаи давлатии “Маркази ҷумҳуриявии иммунопрофилактика”, Муассисаи давлатии “Маркази ҷумҳуриявии таълимию клиникии тибби оилавӣ” ва 15 марказҳои саломатии шаҳри Душанбе иштирок намуданд.
Зимни машғулияти омӯзишӣ ба иштирокчиён доир ба тартиби бақайдгирии шахсони иммунизатсияшуда бо ваксинаи зиддии бемории COVID-19 ва тарзи дуруст пешниҳод намудани маълумотҳо дар ин самт маърӯзаҳо пешниҳод карда шуданд.
![](https://old.moh.tj/wp-content/uploads/2018/04/8678.jpg")
