Дар доираи сафари гурӯҳи кории Ҳукумати мамлакат ба минтақаи Рашт ҷиҳати мулоқоту вохуриҳо бо сокинон дар самти шарҳу тавзеҳи Паёми навбатии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз, 11 феврали соли равон муовини Сарвазири Ҷумҳурии Тоҷикистон Матлубахон Сатториён ва муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода аз фаъолияти беморхонаҳои марказии ноҳияҳои Рашт, Лахш, Нуробод ва Тоҷикобод дидан намуданд.
Зимни боздид муовини Сарвазири Ҷумҳурии Тоҷикистон Матлубахон Сатториён ва муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода бо рафти хизматрасонии тиббии беморхонаҳои ноҳияҳои мазкур шинос шуда, инчунин бо наздикони беморон низ суҳбати озоду ошкоро анҷом дода, доир ба хизматрасонии тиббӣ аз онҳо пурсон шуданд.
![](https://old.moh.tj/wp-content/uploads/2018/04/8678.jpg")
