Феврал 24
10:58
2023
Тибқи супориши вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода имрӯз, 23 феврали соли равон бо мақсади шиносоӣ бо рафти хизматрасонии тиббӣ ба модарону кӯдакон масъули вазорат Зоир Набиев аз фаъолияти шӯъбаҳои таваллуди беморхонаҳои марказии ноҳияҳои Файзобод ва Восеъ дидан намуд.
Зимни боздид номбурда бо рафти хизматрасонии шӯъбаҳои таваллуди беморхонаҳои мазкур шинос шуда, инчунин аз рафти табобати як қатор беморон дидан намуд.
Ҷиҳати боз ҳам хубтару беҳтар ба роҳ мондани хизматрасонии тиббӣ ба модарон ва кудакон аз ҷониби масъули вазорат ба кормандони шӯъбаҳои таваллуди беморхонаҳои болозикр тавсия ва маслиҳатҳои муфид дода шуд.
Қайд кардан ба маврид аст, ки хизматрасонии тиббӣ ба модарон ва кудакон дар маркази диққати роҳбарияти Ҳукумати Тоҷикистон ва Вазорати тандурустӣ ва ҳифзи иҷтимоии аҳолии мамлакат қарор дошта, дар ин самт пайваста тадбирҳои муҳиму саривақтӣ амалӣ карда мешаванд.
![](https://old.moh.tj/wp-content/uploads/2018/04/8678.jpg")
