Дар Маркази милли илмии пайвадсозии узв ва бофтаҳои инсони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба сокини ноҳияи Шаҳритуси вилояти Хатлон ҷарроҳии пайванди ҷигар гузаронида шуд, ки донори ӯ шавҳараш мебошад. Яъне, шавҳари номбурда Лолохонов Муҳаммадӣ пораи ҷигарашро ба ҳамсари худ бахшид.
Амалиёти ҷарроҳӣ бо муваффақият гузашта, ҳолати зану шавҳар хуб мебошад.
Дар ҳақиқат, оила макони хушбахтиву оромиши ҳар инсон ва асоси солимии ҷомеа ба шумор меравад.
Дар ҳоле, ки бархе оилаҳо имрӯз бо сабабҳои ночиз пош мехуранд, ин ҳодисаи нодир як намунаи олии меҳру муҳаббати зану мард дар масоили оиладорӣ ба шумор меравад.
Солимии падару модар дар хушбахтии фарзандон ва солимии фарзандон дар хушбахтии волидон нақши бориз дорад.
![](https://old.moh.tj/wp-content/uploads/2018/04/8678.jpg")
