Ҷиҳати ошноӣ пайдо намудан бо рафти хизматрасонии тиббӣ ба аҳолӣ, таҳлилу баррасии вазъи соҳа 11-уми июни соли равон масъулини Вазорати тандурустӣ ва ҳифзи иҷтимоии аҳолӣ таҳти роҳбарии сардори Раёсати ислоҳот, кӯмаки аввалияи тиббию санитарӣ ва робитаҳои байналмилалии вазорат Илҳом Бандаев аз як қатор муассисаҳои кӯмаки аввалияи тиббию санитарии шаҳри Ҳисор дидан ба амал овард.
Дар ҷараёни боздиди хеш масъулини вазорат бо рафти хизматрасонии муассисаҳои КАТС-и шаҳри мазкур шинос шуда, бо роҳбарияти муассисаҳои соҳа вазъи хизматрасонии тиббиро ба аҳолӣ таҳлилу баррасӣ намуда, ҷиҳати бартараф намудани мушкилоту камбудиҳои ҷойдошта дастуру тавсияҳои мушаххас доданд.
Қобили зикр аст, ки ҳадаф аз ташрифи масъулини вазорат-ин пеш аз ҳама шиносоии бевосита бо фаъолияти шабонаи муассисаҳои тандурустӣ, бартараф намудани мушкилоту камбудиҳои ҷойдошта ва дар ин замина беҳтар намудани хизматрасонии тиббӣ ба аҳолӣ мебошад.
![](https://old.moh.tj/wp-content/uploads/2018/04/8678.jpg")
