Пас аз пурра рухсат шудани гумонбарони сирояти коронавируси нави КОВИД-19 Муассисаи давлатии Беморхонаи марказии шаҳри Турсунзода ба фаъолияти муқаррарии корӣ баргардонида мешавад.
Бояд зикр намуд, ки пас аз ба қайд гирифтани сирояти коронавируси нави КОВИД-19 дар Тоҷикистон ду муассисаи тандурустии шаҳри Турсунзода ҳамчун госпитали махсус ҷиҳати қабули гумонбарони сирояти мазкур фаъолияти хешро оғоз намуданд.
Давоми зиёда аз як моҳ дар муассисаҳои мазкур 136 нафар гумонбарони сирояти коронавируси нави КОВИД-19 ба табобат ва муолиҷа фаро гирифта шуданд.
Маврид ба зикр аст, ки шурӯъ аз 2 июни соли ҷорӣ дар Муассисаи давлатии Беморхонаи марказии шаҳри Турсунзода корҳои безараргардонӣ гузаронида шуда, он айни замон барои ба фаъолияти муқаррарӣ баргаштан пурра омода мебошад.
![](https://old.moh.tj/wp-content/uploads/2018/04/8678.jpg")
