Июл 01
14:12
2024
Дар доираи сафари корӣ ба Ҷумҳурии Мардумии Чин вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода аз Беморхонаи №1-и шаҳри Урумчии Ҷумҳурии Мардумии Чин ва шуъбаҳои бемориҳои қанду чашм ва онкологии он дидан намуд.
Ҳамзамон, зимни шиносоӣ аз ин муассисаи тандурустӣ номбурда бо донишҷӯёни тоҷик, ки дар беморхонаи мазкур дар самти бемориҳои урологӣ ва сӯхтагӣ ба таҷрибаомӯзӣ фаро гирифта шудаанд, вохурӣ анҷом дод.
Махсусан зимни вохурӣ Ҷамолиддин Абдуллозода табибони тоҷикро ба омӯхтани нозукиҳои табобати бемориҳои урологӣ ва сӯхтагӣ дар ин муассисаи тандурустии пешрафтаи Ҷумҳурии Мардумии Чин ҷалб намуда, аз онҳо даъват ба амал овард, ки бо истифода аз шароиту имконоти муҳайёгардида баҳри такмили донишҷу таҷрибаи хеш кушишу талоши хешро равона созанд.
![](https://old.moh.tj/wp-content/uploads/2018/04/8678.jpg")
