Март 04
12:26
2022
Давоми солҳои соҳибистиқлолӣ дар шаҳри Панҷакент даҳҳо иншооти соҳаи тандурустӣ таъмиру навсозӣ гардидаанд, ки Беморхонаи марказии шаҳри Панҷакент аз ҷумлаи ин иншоотҳои дорои имкониятҳои мусоиди хизматрасонӣ ба сокинони шаҳру деҳоти Панҷакент ба ҳисоб рафта, соли 2020 бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба истифода дода шуд.
Дар Беморхонаи марказии шаҳр дастгоҳи томографияи компютерӣ мавриди истифода қарор гирифт, ки бо имконияти фаъолияти шабонарӯзӣ барои ташхиси бемориҳои майнаи сар, сутунмӯҳра, ҷарроҳии умумӣ, урологӣ, захму осеб ва ҳамчунин бемориҳои шуш ба сокинон хизмат мерасонад.
Томографияи компютерӣ, ки бо номи “сканер” маъруф аст, имкон медиҳад, ки узвҳои бемор омӯхта шуда, нуқсонҳоро дар узвҳо нисбат ба дигар муоинаҳо дақиқтар муайян кунад.
Мавриди қайд аст, ки таҷҳизоти мазкур бо фарогирии хизматрасонии васеъ ба сокинони ноҳияҳои Айнӣ ва Кӯҳистони Мастчоҳ низ хизмат расонад.
![](https://old.moh.tj/wp-content/uploads/2018/04/8678.jpg")
