Бо мақсади ба роҳ мондани табодули таҷриба бо мутахассисони соҳаи тибби кишварҳои гуногуни олам, ба такмили ихтисос ва бозомӯзӣ фаро гирифтани кормандони соҳа дар муассисаҳои таълимиву тиббии хориҷи кишвар дар доираи ҳамкориҳои мутақобилан судманди Ҳукумати Ҷумҳурии Тоҷикистон бо давлатҳои гуногун Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо вазоратҳои тандурустии як қатор давлатҳои хориҷ ҳамкориҳои мутақобилан судмандро ба роҳ мондааст.
Дар доираи чунин ҳамкориҳо давоми соли 2022 316 нафар мутахассисони соҳаи тибби мамлакат курсҳои бозомӯзиро дар муассисаҳои таълимии хориҷи кишвар гузаштанд, ки ин шумора нисбат ба соли 2021 3 маротиба зиёд мебошад.
Дар ин росто, қайд кардан ба маврид аст, ки соли 2022 дар муассисаҳои илмию таълимии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон 13 232 нафар кормандони соҳаи тандурустии ҷумҳурӣ ба таҳсили баъдидипломӣ фаро гирифта шуданд, ки нисбат ба соли 2021 10,7% зиёд мебошад.
Акс аз бойгонии moh.tj)
![](https://old.moh.tj/wp-content/uploads/2018/04/8678.jpg")
