Имрӯз, 15 феврали соли равон дар толори Хадамоти назорати давлатии санитарию эпидемиологӣ ҷаласаи назди муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода баргузор гардид.
Дар ҷаласаи мазкур фаъолияти мутахассисони ғайрисоҳавӣ оид ба хизматрасониҳои тиббӣ ба модарону кӯдакон ва кураторони соҳаи хизматрасонии тиббӣ ба модарону кӯдакон дар минтақаҳо ва шаҳру ноҳияҳои ҷумҳурӣ мавриди баррасӣ қарор дода шуданд.
Муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода таваҷҷуҳи ҳозиринро ба масъалаҳои беҳтар намудани хизматрасонии тиббӣ ба модарон ва кӯдакон ҷалб намуда, иброз дошт, ки бояд ҳар як мутахассиси соҳа бо истифода аз шароит ва имконоти фароҳамгардида баҳри таъмини солимии модарон ва кӯдакон саҳми арзандаи хешро гузорад.
Дар идомаи ҷаласа паҳлуҳои гуногуни фаъолияти мутахассисони ғайрисоҳавӣ ва кураторони соҳаи хизматрасонии тиббӣ ба модарону кӯдакон дар минтақаҳо ва шаҳру ноҳияҳои ҷумҳурӣ таҳлил ва баррасӣ гардида, ҷиҳати боз ҳам беҳтар намудани фаъолият ба онҳо дастуру супоришҳои мушаххас дода шуд.
![](https://old.moh.tj/wp-content/uploads/2018/04/8678.jpg")
