Март 04
12:29
2022
Бахшида ба 8 март- Рӯзи модар имрӯз дар Беморхонаи шаҳрии рақами 1-и шаҳри Хуҷанд ба иштироки муовини раиси вилояти Суғд Зайнура Азимӣ, занони фаъоли соҳаи тандурустии вилоят, аз ҷумла собиқадорон, олимон ва дигар кормандони соҳа чорабинии идона баргузор гардид.
Муовини раиси вилоят аснои суханронӣ аз дастгирӣ ва таваҷҷуҳи хосаи роҳбарияти олии мамлакат ба бонувон ёдовар шуда, иброз дошт, ки давоми солҳои соҳибистиқлолӣ баҳри кору фаъолияти ин табақаи қишри ҷомеа тамоми имконот ва шароити мусоид фароҳам оварда шуд.
Дар идома сардори Раёсати тандурустии вилояти Суғд паёми табрикотии вазири тандурустӣ ва ҳифзи иҷтимоии аҳоли Ҷумҳурии Тоҷикистон Ҷамолиддин Абдуллозодаро ба самъи ҳозирин расонид.
Дар идома як қатор бонувони фаъоли соҳа баҳри фаъолияти пурсамар бо тӯҳфаҳои хотиравӣ қадрдонӣ шуданд.
![](https://old.moh.tj/wp-content/uploads/2018/04/8678.jpg")
