Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Раёсати Муассисаи давлатии таълимии  “Донишгоҳи давлатии тиббии Тоҷикистон ба  номи Абуалӣ ибни Сино” боз як иқдоми неке пеш гирифт, ки он бо расонидани кӯмаки маводи таълимӣ, аз ҷумла китобҳои таълимӣ  ба Донишгоҳи давлатии тиббии Хатлон амалӣ гашт.

Дар доираи ин иқдом 22 номгӯи китоб, бо шумораи  ду ҳазору яксаду панҷоҳ адад  ба маблағи 55 ҳазору 167 сомонӣ аз ҷониби Донишгоҳи давлатии тиббии Тоҷикистон ба номи Абуалӣ ибни Сино  ба Донишгоҳи давлатии тиббии Хатлон ҳамчун туҳфа  дастрас  карда шуд.

Бояд гуфт, ки китобҳои таълимӣ бо забонҳои русӣ ва тоҷикӣ буда, барои таълими донишҷӯёни факултаҳои тиббӣ, стаматологӣ, педиатрӣ ва фармасевтӣ равона  карда шудаанд.