Сентябр 14
08:53
2020
Бо мақсади пешгирии бемории коронавируси нави COVID-19 аз ҷониби марказҳои ташаккули тарзи ҳаёти солим дар шаҳру ноҳияҳои кишвар миёни аҳолӣ мунтазам корҳои фаҳмондадиҳӣ гузаронида мешаванд.
Чунин як чорабинии фаҳмондадиҳӣ аз ҷониби мутахассисони Маркази ташаккули тарзи ҳаёти солим дар шаҳри Ҳисор тавассути нақлиёт дар кӯчаву хиёбонҳо бо баландгӯяк ҷиҳати пешгирӣ аз ин беморӣ гузаронида шуд.
Зикр гардид, ки яке аз роҳҳои пешгирии бемории мазкур пӯшидани ниқоби тиббӣ дар ҷойҳои ҷамъиятӣ, риояи фосилаи иҷтимоӣ ва пайваста шӯстани дастон мебошад.
Аз шаҳрвандон даъват ба амал оварда шуд, ки қоидаҳои пешгирии бемории мазкурро дар муассисаҳои хеш ба таври қатъӣ риоя намоянд.
![](https://old.moh.tj/wp-content/uploads/2018/04/8678.jpg")
