Корҳои сохмонии Маркази нави саломатӣ дар ҷамоати деҳоти Яхтани ноҳияи Деваштич ва таваллудхонаи марказии ноҳия бо маром идома доранд.
Маркази нави саломатии мазкур аз 8 ҳуҷраи корӣ иборат буда, пас аз ба истифода додани он вазъи хизматрасонии тиббӣ дар ҷамоати деҳоти Яхтан беҳтар шуда, то 10 нафар кормандони соҳаи тиб бо ҷойи корӣ таъмин мешаванд.
Инчунин айни замон корҳои сохтмонӣ дар таваллудхонаи марказии ноҳияи Деваштич ҷараён доранд. Таваллудхонаи мазкур 84 ҳуҷра иборат буда, барои 100 кати беморӣ пешбинӣ шудааст. Бо ба анҷомрасии корҳои сохтмонӣ тамоми утоқҳо бо навтарин дастгоҳу таҷҳизот муҷаҳҳаз гардонида мешаванд.
Имрӯзҳо ба истиқболи 30-солагии Истиқлолияти давлатии Ҷумҳурии Тоҷикистон корҳои ободониву созандагӣ дар тамоми гӯшаву канори мамлакат бо ҷӯшу хурӯш идома доранд.
Бахшида ба ин санаи муҳими таърихӣ, дар баробари сохтмони иншоотҳои хизматрасониву маишӣ, корхонаву коргоҳҳои гуногун, инчунин бунёди муассисаҳои тиббӣ низ дар кишвар вусъати тоза касб намудаанд.
![](https://old.moh.tj/wp-content/uploads/2018/04/8678.jpg")
![Share](http://pinterest.com/pin/create/button/?url=https://old.moh.tj/ta/kor-oi-obodonivu-sozandag-arayoni-k/&media=https://old.moh.tj/wp-content/themes/legatus-theme/images/no-image-0x0.jpg&description=<span class="dojodigital_toggle_title">КОРҲОИ ОБОДОНИВУ СОЗАНДАГӢ: Ҷараёни корҳои сохтмонӣ дар Маркази саломатӣ ва таваллудхона дар ноҳияи Деваштич</span>){kind=link}