Аз ҷониби табибони Беморхонаи клиникавии вилояти Суғд бо истифода аз ду адад нақлиёти сайёри тиббӣ ба таври таҷрибавӣ дар Беморхонаи марказии ноҳияи Бобоҷон Ғафуров “Корвони саломатӣ” ташкил ва гузаронида шуд.
Дар ҷараёни “Корвони саломатӣ” табибони амрози дарунӣ, амрози занона, дилшинос, духтурони чашм, гӯшу гулӯ ва бинӣ, дилшиносон бо истифода аз таҷҳизоти нақлиёт шаҳрвандонро муоина намуданд.
Маврид ба зикр аст, ки дар доираи лоиҳаи «Корвони саломатӣ», ки аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон амалӣ мешавад, чанде қабл ба Беморхонаи клиникавии вилояти Суғд ду адад нақлиёти сайёри тиббӣ дастрас карда шуд. Нақлиётҳои махсуси сайёр дорои таҷҳизоти зарурӣ, аз ҷумла таҷҳизоти рентгенӣ, ташхисӣ, стомотологӣ, кардиологӣ ва дигар лавозимоти зарурии тиббӣ мебошанд.
![](https://old.moh.tj/wp-content/uploads/2018/04/8678.jpg")
