21 феврали соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода бо ҳайати Шоҳигарии Арабистони Саудӣ таҳти роҳбарии сардори сарраёсати кишварҳои Осиёи Вазорати корҳои хориҷии ин кишвар Муҳаммад ибни Абдулҳоди Ал-Матрафӣ мулоқот намуд.
Нахуст Ғафур Муҳсинзода, муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон меҳмононро ба вазорат хайрамақдам гуфта, аз ҷумла иброз дошт, ки имрӯз ҳамкориҳои ду кишвар дар самтҳои гуногун, хосатан дар соҳаи тандурустӣ ва ҳифзи иҷтимоии аҳолӣ дар марҳалаи рушд қарор доранд.
Дар идома ҷонибҳо доир ба масоили мавриди таваҷҷуҳи тарафайн мубодилаи афкор намуда, ҷиҳати густариш бахшидани ҳамкориҳо ҳавасмандии хешро иброз доштанд.
Дар охир ҳамчун арзи эҳтиром ҷонибҳо ба ҳамдигар туҳфаҳои хотиравӣ тақдим намуданд.
Мулоқот дар фазои дустӣ ва ҳусни тафоҳум баргузор гашт.
![](https://old.moh.tj/wp-content/uploads/2018/04/8678.jpg")
