Бо мақсади наздик шиносоӣ пайдо намудан бо фаъолияти муассисаҳои тандурустӣ роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон гаштҳои шабона ва рӯзонаро ба роҳ мондааст.
Бо ин мақсад муовинони вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода аз Беморхонаи марказии шаҳри Турсунзода ва Шодихон Ҷамшед аз Муассисаи давлатии “Маркази миллии тиббии Тоҷикистон “Шифобахш” дидан намуданд.
Аснои боздид аз муассисаҳои тандурустии мазкур муовинони вазир бо масъулини беморхонаҳо масъалаҳои беҳтар намудани хизматрасонии тиббӣ, бартараф намудани мушкилот ва камбудиҳои ҷойдошта, тақвият бахшидани корҳои ободониву созандагӣ ва дигар масъалаҳоро мавриди баррасӣ қарор доданд.
Ҳамзамон, зимни боздид аз беморхонаҳои мазкур муовинони вазир бо рафти табобати як қатор беморон низ шинос гардиданд.
![](https://old.moh.tj/wp-content/uploads/2018/04/8678.jpg")
