Имрӯз, 22 ноябри соли равон дар маҷлисгоҳи Хадамоти назорати давлатии санитарию эпидемиологӣ вобаста ба натиҷагирӣ аз рафти иҷрои барномаҳои миллии соҳавӣ ҷаласаи корӣ доир гардид, ки дар он муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода, муовинони вазир Шодихон Ҷамшед, Абдухолиқ Амирзода, сардорони раёсатҳои зерсохтори вазорат, муовини сардори Раёсати тандурустии шаҳри Душанбе Ато Собирзода, роҳбарони муассисаҳои тандурурустии пойтахт ва ноҳияҳои тобеи ҷумҳурӣ иштирок намуданд.
Нахуст дар ҷаласа муовини сардори Раёсати тандурустии шаҳри Душанбе Ато Собирзода вобаста ба рафти иҷрои барномаҳои миллӣ дар сатҳи муассисаҳои тандурустии шаҳри Душанбе суханронӣ намуд.
Иттилоъ дода шуд, ки аз ҷониби Раёсати тандурустии шаҳри Душанбе вобаста ба иҷрои барномаҳои миллӣ таваҷҷуҳи махсус зоҳир гардида, баҳри иҷрои онҳо мунтазам мулоқоту вохурӣ ва чорабиниҳои судманд доир карда мешаванд.
Ҳамзамон, дар ҷаласа роҳбарони муассисаҳои тандурустии шаҳри Душанбе, ноҳияҳои тобеи ҷумҳурӣ низ дар робита ба иҷрои барномаҳои миллӣ низ баромад карданд.
Дар анҷоми ҷаласа баҳри боз ҳам беҳтар намудани фаъолият дар самти иҷрои барномаҳои миллӣ ба масъулин дастуру супоришҳои мушаххас дода шуд.
![](https://old.moh.tj/wp-content/uploads/2018/04/8678.jpg")
