Таҳлили вазъи воқеии хизматрасонии тибби дар самти ташхис, табобат ва назорати дармонгоҳии бемориҳои урологӣ ва неврологӣ яке аз масъалаҳои аслие буд, ки дар мушовараи навбатии Раёсати тандурустии вилояти Хатлон, ки чанде қабл баргузор гардид мавриди таҳлилу баррасӣ қарор дода шуд.
Дар кори мушовараи навбатии Раёсати тандурустии вилояти Хатлон, ҳамзамон намоядагони Раёсати агентии назорати молиявӣ ва мубориза бо коррупсияи Ҷумҳурии Тоҷикистон дар вилояти Хатлон иштирок намуданд.
Дар рафти баргузории чорабинӣ, инчунин масоили вобаста ба пешгирии ҳолатҳои коррупсионӣ, мубориза алайҳи ин зуҳуроти номатлуб дар ҷомеа мавриди баррасӣ қарор дода шуд.
Дар мушовараи навбатӣ, ҳамзамон масъалаҳои алоқаманд ба пайвандсозии узвҳо дар вилоят, мушкилоти дар соҳа вуҷуд дошта, роҳҳои ҳал ва дурнамои рушд, инчунин баррасии рафти амалисозии “Нақшаи стратегии таҷдиди муассисаҳои тибби Ҷумҳурии Тоҷикистон дар давраи солҳои 2011-2020”, ки бо қарори Ҳукумати Ҷумҳурии Точикистон тасдиқ гардидааст ба маърази таваҷҷуҳ гузошта шуда, дар ҷамъасти он вобаста ба масъалаҳои зикргардида қарорҳои дахлдор қабул гардид.
![](https://old.moh.tj/wp-content/uploads/2018/04/8678.jpg")
