28 январи соли равон вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода якҷо бо Раиси шаҳри Норак Дилшод Асозода аз Беморхонаи марказии шаҳри Норак дидан намуданд.
Зимни боздид Ҷамолиддин Абдуллозода ва Дилшод Асозода бо рафти хизматрасонии беморхонаи мазкур, аз ҷумла фаъолияти шӯъбаҳои он шинос шуданд.
Ҳамзамон номбурдагон дар беморхонаи мазкур бо беморон ва наздикони онҳо сӯҳбати озоду ошкоро анҷом дода, доир ба сатҳ ва сифати хизматрасонии тиббӣ аз онҳо пурсиданд.
Дар идомаи боздид Ҷамолиддин Абдуллозода ва Дилшод Асозода вобаста ба боз ҳам беҳтар намудани хизматрасонии тиббӣ ба аҳолӣ, вусъат бахшидани маъракаи иммунизатсия бар зидди сирояти коронавирус дар миёни аҳолӣ ва дигар масъалаҳо бо роҳбарият ва кормандони беморхона мубодилаи афкор намуданд.
Баҳри боз ҳам хубтару беҳтар ба роҳ мондани хизматрасонии тиббӣ ба масъулин дастуру супоришҳои мушаххас дода шуд.
![](https://old.moh.tj/wp-content/uploads/2018/04/8678.jpg")
