Дар Донишгоҳи давлатии тиббии шаҳри Бухорои Ҷумҳурии Ӯзбекистон дар мавзӯи «Ҳолати имрӯзаи мушкилот ва дурнамои таҳсилоти тиббӣ» Конфронси илмӣ–амалӣ баргузор гашт, ки дар он С.С.Қурбонов, профессори кафедраи анатомияи Донишгоҳи давлатии тиббии Тоҷикистон ба номи Абӯалӣ ибни Сино иштирок намуд.
Боиси хушнудист, ки ин профессори тоҷик барои саҳми арзандааш дар таҳкими ҳамкориҳои илмию таълимии ду муассисаи олии тиббӣ бо унвони «Профессори фахрии Донишгоҳи тиббии Бухоро» сарфароз гардонида шуд.
Ректори донишгоҳи мазкур Иноятов Амрулло зимни супоридани унвон ҳамкориҳои мутақобилаи ду донишгоҳро давоми солҳои охир хеле назаррас арзёбӣ намуда, саҳми олими тоҷик С.С.Қурбоновро дар таҳкими ин муносибатҳои ҳасана ба таври назаррас ёдовар шуд.
Мавриди зикр аст, ки профессор С.С. Қурбонов пештар низ барои саҳми арзандааш дар таҳкими ҳамкориҳои дуҷониба бо унвони «Профессори фахрии Донишгоҳи давлатии тиббии Қазоқистон» ба номи Асфендиёров низ сарфароз гардонида шуда буд.
![](https://old.moh.tj/wp-content/uploads/2018/04/8678.jpg")
