Тибқи шартнома ва қарордодҳо байни Корхонаи давлатии “Заводи протезию ортопедӣ”- и шаҳри Душанбе ва ширкати ”Моторика”- и шаҳри Москваи Федератсияи Россия, ки аз қатъномаи кори конфронси нуҳум оид ба ҳамкории байниминтақавии Тоҷикистон ва Россия дар Ҷумҳурии Тоҷикистон, ки моҳи марти соли 2023 доир шуда буд, инчунин бо мақсади иҷрои супориши роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар бораи ҳамкориҳо санаи 01 октябри сои 2024 дар Корхонаи давлатии “Заводи протезию ортопедӣ”- и шаҳри Душанбе семинар-машварати корию амалӣ зимни таъминоти маъюбон бо намунаҳои нави технологӣ, аз ҷумла протезҳои дастҳои намуди бионикӣ давоми 3 рӯз баргузор гардид.
Дар ҷараёни баргузории семинар-машварати мазкур дар Корхонаи давлатии “Заводи протезию ортопедӣ”- и шаҳри Душанбе нахустин бор дар кишвар дар ду кӯдаки то синни 10 сола дастҳои намунаи нави бионикӣ гузошта шуд.
Пас аз ба итмом расидани машғулиятҳо 10 нафар мутахассисони маҳаллӣ бо сертификатҳои ширкати “Моторика” сарфароз гардонида шуданд.
Дар назар аст, ки муаррифии маҳсулот, кор ва хизматрасонии ширкати мазкур санаи 02 октябри соли ҷорӣ дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон баргузор гардад.
![](https://old.moh.tj/wp-content/uploads/2018/04/8678.jpg")
