Бо мақсади шиносоӣ пайдо намудан бо фаъолияти шабонаи муассисаҳои тандурустӣ, беҳтар намудани хизматрасонии тиббӣ ба аҳолӣ гурӯҳи кории вазорат шаби 9 январи соли равон ба як қатор муассисаҳои тандурустии шаҳри Душанбе, аз ҷумла Маҷмааи тандурустии “Истиқлол”, Маркази тиббии шаҳрии №1 ба номи К.Ахмедов, Муассисаи давлатии “Маркази ҷумҳуриявии клиникии бемориҳои дил”, Муассисаи давлатии “Маркази ҷумҳуриявии илмии саратоншиносӣ” ва инчунин ба марказҳои саломатии шаҳрии №1, 2, 7 ва 15 ташриф оварданд.
Дар ҷараёни боздиди хеш гурӯҳи кории вазорат бо фаъолияти шӯъбаҳои муассисаҳои тандурустӣ шинос шуда, ҳамзамон бо бемороне, ки дар муассисаҳои тандурустӣ ба табобат фаро гирифта шудаанд, суҳбат намуданд.
Бояд гуфт, ки ҳадаф аз гаштҳои масъулини вазорат-ин пеш аз ҳама шиносоӣ бо вазъи воқеии муассисаҳои тандурустӣ ва рафти хизматрасонии табибон дар шабонгоҳ, омодагии онҳо барои муътадил гузаронидани васли зимистон, вохурӣ бо беморон ва дигар масъалаҳо мебошад.
![](https://old.moh.tj/wp-content/uploads/2018/04/8678.jpg")
