Имрӯз, 12 июни соли равон мутахассисони соҳаи тибби кишвари Полша аз рафти хизматрасониҳои Муассисаи давлатии Маҷмааи тандурустии “Истиқлол” дидан намуданд.
Дар ҷараёни боздиди хеш меҳмонон бо фаъолияти шӯъбаи ҷарроҳии соматикаи кӯдакона ва сипас аз шӯъбаи бистаринамоии калонсолони муассиса шинос шуда, ба рафти хизматрасонӣ ва дастгоҳҳои насбшуда дар Муассисаи давлатии Маҷмааи тандурустии “Истиқлол” баҳои баланд доданд.
Ҳамзамон, дар мулоқот мутахассисони тибби кишвари Полша ва табибони Муассисаи давлатии Маҷмааи тандурустии “Истиқлол” оид ба масъалаҳои пешгирӣ ва табобати беморони коронавируси нави КОВИД-19 табодули афкор намуданд.
Маврид ба зикр аст, ки ҳадаф ва мақсади ташрифи табибони кишвари Полша ба Тоҷикистон табодули таҷрибаи онҳо бо ҳамтоёни тоҷики хеш ҷиҳати пешгирӣ ва табобати бемории КОВИД-19 мебошад.
![](https://old.moh.tj/wp-content/uploads/2018/04/8678.jpg")
