Ҷиҳати шиносоӣ бо вазъи феълии муассисаҳои тандурустӣ, баррасии мушкилот ва камбудиҳои ҷойдошта ва дар ин замина беҳтар намудани хизматрасонии тиббӣ ба аҳолӣ намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз фаъолияти як қатор муассисаҳои тандурустии шаҳру ноҳияҳои вилояти Суғд дидан намуданд.
Зимни боздид масъулини вазорат бо роҳбарони муассисаҳои тандурустӣ масъалаҳои баланд бардоштани сатҳ ва сифати хизматрасонии тиббӣ, риояи қоидаҳои санитарию гигиенӣ, махсусан дар самти пешгирии бемории COVID-19, назорати беморон, таъмини муассисаҳо бо гармӣ ва дигар масъалаҳоро мавриди баррасӣ қарор дода, ҷиҳати бартараф намудани мушкилот ва камбудиҳои ҷойдошта ба масъулин дастуру супоришҳои мушаххас доданд.
Маврид ба тазаккур аст, ки роҳбарият ва намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо мақсади шиносоӣ бо вазъи муассисаҳои тандурустӣ чандест, ки гаштҳои шабона ва рӯзонаро ба роҳ мондааст.
![](https://old.moh.tj/wp-content/uploads/2018/04/8678.jpg")
