Январ 31
14:12
2024
Дар доираи сафари корӣ ба вилояти Суғд муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед имрӯз бо фаъолияти як қатор муассисаҳои тандурустӣ ва ҳифзи иҷтимоии аҳолии вилояти мазкур шинос шуд.
Аз ҷумла номбурда аз рафти хизматрасонии Беморхонаи клиникавии №1 шаҳри Хуҷанд ба номи С. Ӯрунов, Беморхонаи клиникавии вилояти Суғд, Таваллудхонаи шаҳрии шаҳри Хуҷанд, Таваллудхонаи вилоятии вилояти Суғд, Маркази минтақавии хизматрасонии иҷтимоӣ ба пиронсолон ва маъюбони шаҳри Хуҷанд, Хона-интернат барои беморони рӯҳии ноҳияи Ҷаббор Расулов ва як қатор муассисаҳои соҳавии дигар низ дидан намуд.
Зимни боздид номбурда бо беморон ва наздикону пайвандони онҳо низ суҳбат намуда, аз эшон доир ба сатҳ ва сифати хизматрасонии тиббӣ ба аҳолӣ пурсон шуд.
![](https://old.moh.tj/wp-content/uploads/2018/04/8678.jpg")
