15 феврал Рӯзи байналмилалии кӯдакони гирифтори бемории саратон аст, ки ҳамасола аз ҷониби ҷомеаи ҷаҳонӣ ҷашн гирифта мешавад.
Дар ин замина, мудири шуъбаи саратоншиносии кӯдаконаи Маркази ҷумҳуриявии илмии саратоншиносии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Моҳира Умарова иброз намуд, ки ҳадаф аз таҷлили ин сана боз ҳам ҷалб намудани ҷомеа ба масъалаҳои саломатии кӯдакони гирифтори бемории саратон мебошад.
Бояд гуфт, ки дар чорабинии имрӯза, ки бахшида ба санаи мазкур дар Маркази ҷумҳуриявии илмии саратоншиносии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон баргузор гашт, аз ҷониби ташкилоти хайриявии “Лона” ба гирифторони бемории саратон туҳфаҳои хотиравӣ тақдим карда шуд.
Инчунин, дар чорабинӣ аз ҷониби ансамбли рақсии кӯдаконаи “Зебо” ба иштирокчиён барномаҳои ҳунарӣ ва рақсӣ пешниҳод карда шуд.
![](https://old.moh.tj/wp-content/uploads/2018/04/8678.jpg")
