Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Баҳри беҳтар гардонидани заминаи моддию техникии муассисаҳои КАТС-и Вилояти Мухтори Кӯҳистони Бадахшон бо дастгирии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва бо маблағгузории Барномаи  Рушди СММ “ПРООН” дар ноҳияҳои вилоят сохтмони 7 адад бунгоҳи тиббӣ ба нақша гирифта шудааст.

Аз ҷумла сохтмони бунгоҳи тиббии Убари даргоҳ дар ноҳияи Ванҷ, бунгоҳи тиббии Умарак дар ноҳияи Дарвоз, сохтмони Маркази саломатии деҳоти Дерзуд дар ноҳияи Рушон, сохтомони бунгоҳи тиббии Миденвед дар ноҳияи Роштқалъа, сохтмони бунгоҳи тиббии Гармчашма дар ноҳияи Ишкошим, сохтомони бунгоҳи тиббии Чечекдеҳ дар ноҳияи Мурғоб ва сохтмони бунгоҳи тиббии Чошкандез дар ноҳияи Шуғнон дар назар дошта шудааст.

(Акс аз бойгонӣ)