Дар доираи 1300 рӯзи меҳнатӣ ба истиқболи 30-солагии Истиқлолияти давлатии Ҷумҳурии Тоҷикистон дар ноҳияи Зафаробод корҳои ободониву бунёдкорӣ бо маром идома дорад.
Чанде қабл Раиси вилояти Суғд Раҷаббой Аҳмадзода зимни сафари корӣ ба ноҳия дар Ҷамоати шаҳраки Зафаробод дар баробари дигар иншоот бо беморхонаи хусусии соҳибкор Фурқат Нормаматов ошно гардид.
Раиси вилоят ташаббуси соҳибкоронро барои таъсиси ҷойҳои нави корӣ назаррас арзёбӣ карда, барои бо сифати баланд ба анҷом расонидани корҳои сохтмонӣ дастуру тавсияҳо дод.
Таъкид шуд, ки дар иҷрои корҳои ободонӣ саҳми соҳибкорони маҳаллӣ назаррас буда, шахсони ободкору ватандӯст иншооти гуногуни иҷтимоиро бунёд карда истодаанд, ки ин ба манфиати ҷомеа аст.
Тибқи нақшаи чорабиниҳои мақомоти иҷроияи ҳокимияти давлатии ноҳия то соли 2021 ба истифода додани 390 иншоот ба нақша гирифта шуда, аз ҷумла дар ин давра 15 иншооти соҳаи тандурустӣ мавриди истифода қарор гирифтааст.
![](https://old.moh.tj/wp-content/uploads/2018/04/8678.jpg")
