Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Сафири Ҷумҳурии Тоҷикистон дар Давлати Кувайт Зубайдулло Зубайдзода бо вазири тандурустии Давлати Кувайт доктор Аҳмад ал-Авазӣ мулоқот намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

 Дар вохӯрӣ масъалаҳои рушди муносибатҳои дуҷониба дар соҳаи тандурустӣ, аз ҷумла амалӣ намудани ҳамкорӣ байни муассисаҳои давлатии тиббии ду мамлакат, табодули сафари ҳайатҳои мутахассисони соҳа ва дигар самтҳои соҳа баррасӣ гардиданд.

АКС: Вазорати корҳои хориҷии Ҷумҳурии Тоҷикистон