28 сентябри соли равон дар Муассисаи давлатии Китобхонаи миллии Тоҷикистон Конфренсияи ҷумҳуриявии илмию амалӣ таҳти унвони “Фарбеҳӣ ва бемориҳои системаи гепатобиларӣ” баргузор гардид.
Дар конфренсияи мазкур ёрдамчии вазири тандурустӣ ва ҳифзи иҷтимоии аҳолии Ҷумҳурии Тоҷикистон Дилором Содиқова, президенти Академияи илмҳои тиб Алиҷон Ғоибзода, Директори Муассисаи давлатии “Пажӯҳишгоҳи гастроэнтерологияи Ҷумҳурии Тоҷикистон Саодат Азимзода, мушовири илмии Муассисаи давлатии “Пажӯҳишгоҳи гастроэнтерологияи Ҷумҳурии Тоҷикистон Меъроҷов Ғ.Қ ва дигар намояндагони вазорат иштирок намуданд.
Директори Муассисаи давлатии “Пажӯҳишгоҳи гастроэнтерологияи Ҷумҳурии Тоҷикистон Саодат Азимзода конфронсро ҳусни оғоз бахшида, оид ба муҳимияти мавзӯъи конфронс суханронӣ намуд.
Қайд гардид, ки аз ҷониби Муассисаи давлатии “Пажӯҳишгоҳи гастроэнтерологияи Ҷумҳурии Тоҷикистон Барномаи махсус оид ба паҳншавӣ ва пешгирии фарбеҳӣ таҳия ва ба Ҳукумати мамлакат пешниҳод гардидааст, ки он айни замон дар марҳилаи тасдиқшавӣ қарор дорад.
![](https://old.moh.tj/wp-content/uploads/2018/04/8678.jpg")
