Имрӯз, 27 августи соли равон дар толори Мақомоти иҷроияи ҳокимияти давлатии шаҳри Истаравшан ҷаласаи ситод оид ба пешгирии мавҷи дуюми бемории COVID-19 таҳти раёсати муовини Раиси шаҳр Нигора Наимҷонзода доир гардид.
Бояд қайд намуд, ки дар ситоди мазкур намояндагон аз бахши кор бо ҷавонон ва варзиш, шӯъбаи рушди иҷтимоӣ ва робита ба ҷомеаи дастгоҳ, беморхонаи марказии шаҳр, Раёсати маориф, бахши хадамоти муҳоҷират, КИ ҲХДТ ва рӯзноманигорон иштирок намуданд.
Зимни ҷаласаи ситод ба масъулин супориш дода шуд, ки ба мардум корҳои фаҳмондадиҳӣ ва тарғиботию тишвиқотиро оид ба пешгирӣ аз вируси сирояти COVID-19 дар кӯчаву хиёбонҳо ва бозори марказии шаҳр боз ҳам пурзӯр намуда, аз шахсоне, ки бе ниқоб мегарданд, даъват ба амал оварда шавад, ки нисбати саломатии худ бетарафӣ зоҳир нанамоянд.
![](https://old.moh.tj/wp-content/uploads/2018/04/8678.jpg")
