Созмони умумиҷаҳонии тандурустӣ (СУТ) эҳтимоли аз коронавирус дубора сироят ёфтанро истисно намекунад, аммо даъват мекунад, ки дар ин маврид саросемавор набояд хулоса баровард. Тавре ки АМИТ Ховар бо истинод ба хадамоти матбуоти ин созмон хабар медиҳад, коршиноси СУТ Мария ван Керкхове рӯзи душанбе, 24 август, зимни тавзеҳи хабари вобаста ба ошкоршавии ҳодисаи сироятёбии дубора дар Ҳонконг изҳори назар намудааст.
«Сироятёбии дубора эҳтимолан имкон дорад», — зикр намуд ӯ. — Аммо дар ин маврид саросемавор хулоса баровардан зарурат надорад».
«Аз таҷрибаи кор бо дигар коронавирусҳо мо медонем, ки эминии бадан чанд муддат нигоҳ дошта мешавад», — илова кард коршинос. — Ҳоло мо мебинем, ки одамони ба ин беморӣ гирифторшуда эминият доранд. Аммо, таҳқиқот, аз ҷумла дар мавриди вокунишҳои таомулҳои безараркунанда идома доранд»,-гуфт мавсуф.
ДАР АКС: коршиноси СУТ Мария ван Керкхове. Акс аз бойгонӣ
![](https://old.moh.tj/wp-content/uploads/2018/04/8678.jpg")
